સિલ્વર મેડલ વિજેતા ભાવિના પટેલ કોણ છે ?

 સિલ્વર મેડલ વિજેતા ભાવિના પટેલ કોણ છે ?

ટોક્યો ખાતે પેરાલિમ્પિક રમતોત્સવ ચાલી રહ્યો છે. રાષ્ટ્રીય રમતગમત દિવસે ભારતને ગુજરાતની ભાવિના પટેલે સિલ્વર મેડલ અપાવીને તેની શાનદાર ઉજવણી કરી છે. પેરાલિમ્પિકમાં ટેબલ ટેનિસમાં મેડલ અપાવનારી દેશની આ પહેલી ખેલાડી ભાવિના પટેલ કોણ છે ?

                              


પેરાલિમ્પિક એ ઓલિમ્પિક બાદ દિવ્યાંગ ખેલાડીઓ માટે યોજાતો રમતોત્સવ છે. ભારત 1960 થી તેમાં ભાગ લે છે. એ ખરૂં કે ઓલિમ્પિક જેટલો પ્રચાર અને પ્રસાર પેરાલિમ્પિકનો થતો નથી, તેથી દિવ્યાંગ ખેલાડીઓના કૌશલ્યને જોવાનો લ્હાવો ખાસ મળતો નથી. દેશ માટે ટોક્યો પેરાલિમ્પિકમાં પહેલો મેડલ જીતનારી ભાવિના પટેલ ગુજરાતના મહેસાણાની છે. બાળપણમાં તે પોલિયોનો ભોગ બની ગઇ અને તેને કારણે તેના પગ પંગુ બની ગયા હતા. એમ છતાં સુંધિયા ગામમાં શાળાકિય અભ્યાસ કર્યા બાદ તે આઇટીઆઇમાં કમ્પ્યુટર સાયન્સનો અભ્યાસ કરવા માટે અમદાવાદ આવી હતી. એ વખતે અભ્યાસની સાથે સાથે તેને ટેબલ ટેનિશ રમવાનો શોખ જાગ્યો. પરંતુ એ તમામ પ્રવત્તિ ભાવિના પટેલ માટે કાંઇ સરળ ન હતી. એક તો બે બસ બદલીને થોડું અંતર શેરીંગ રીક્ષામાં કાપીને છેલ્લે પોલિયોને કારણે ભરચક ટ્રાફિકમાં ક્રચીસથી કાપીને તે અભ્યાસ- રમત માટે પહોંચતી હતી. એ સફરમાં તેને એક ભરોસાપાત્ર મિત્ર મળ્યો- નિકુલ પટેલ. નિકુલ અંડર 19નો રાજ્ય સ્તરનો સારો ક્રિકેટર હતો. હવે એ મિત્ર મટીને ભાવિનાનો પતિ થઇ ગયો છે.

પોલિયોને કારણ પગ ભલે પંગૂ થઇ ગયા હતા. પરંતુ ભાવિનાના ચહેરા પર કોઇ લાચારી જોવા મળતી નથી. એ જીવનનો સંઘર્ષ સારી રીતે કરી જાણે છે અને તેને કારણે જ તે સંઘર્ષને હસતે મોઢે એક પડકાર તરીકે લઇને આજે આ સ્તરે પહોંચી ગઇ છે. પોલિયો કે એવી કોઇ બીમારીનો ભોગ બની ગયા બાદ મોટા ભાગના લોકો લાચાર બનીને બીજાની સહાનુભૂતિ પર જીવતા થઇ જાય છે. ભાવિના જુદી માટીની બનેલી છે, તેથી જ તેણે ટેબલ ટેનિશ રમવા માટે ભારે જહેમત ઉઠાવી છે. એક તરફ શારીરિક અવરોધ તો હતો જ, સાથે આર્થિક બોજ પણ સહન કરવાની તૈયારી રાખવી પડતી હતી.

પરંતુ એ તમામ પડકારો સામે બાથ ભીડવાની તેની હિંમત આખરે, ફળી ખરી. ટોક્યો પેરાલિમ્પિકમાં તેણે ટેબલ ટેનિશમાં સિલ્વર મેડલ જીતીને એક નવો વિક્રમ રચી દેખાડ્યો છે. સરવાળે તો તેણે કાળા માથાનો માનવી ધારે તે કરી શકે એ પુરવાર કરી દેખાડ્યું છે. મુખ્યમંત્રી વિજય રૂપાણીથી માંડીને વડાપ્રધાન મોદી સુધીના તમામ લોકોએ તેને અભિનંદન પાઠવ્યા છે. તેના પર ઇનામોનો વરસાદ પણ થવા માંડ્યો છે. તમામ પડકારો ઝીલીને સિદ્ધિ મેળવનારી ભાવિના પટેલને સલામ....

ટિપ્પણીઓ

ટિપ્પણી પોસ્ટ કરો

આ બ્લૉગ પરની લોકપ્રિય પોસ્ટ્સ

જમાઇ રાજા વાડ્રા માટે દિવસો ભારે આવી રહ્યા છે

છબી
સોનિયા ગાંધીના જમાઇ રોબર્ટ વાર્ડા માટે કપરો સમય આવી ગયો છે. ડીએલએફ જમીન સોદામાં ગરબડી થઇ હોવાનો હેવાલ તપાસ સમિતિ – ઢીંગરા સમિતિએ આપ્યો હોવાના સંકેત મળી રહ્યા છે. હા, રીપોર્ટમાં સત્તાવાર રીતે શું છે, એ હજુ બહાર આવ્યું નથી.પરંતુ જસ્ટીસ ઢીંગરાએ સંકેત જરૂર આપતા કહ્યું છે કે જો ગેરરીતિ થઇ ન હોત તો એક જ લાઇનનો રીપોર્ટ આપી દીધો હોત. પરંતુ 182 પાનાના રીપોર્ટમાં આખરે, ઘણાની સામે એકશન લેવાય એવો દારૂગોળો જરૂર ભર્યો હશે.સ્વાભાવિક છે કે આ સોદોમાં ગેરરીતિ થઇ હોય તો તેના કસુરવારમાં એ જમીન ખરીદીને મોટા નફે વેચનારા રોબર્ટ વાડ્રા અને તેમના માટે નિયમોની ઐસીતૈસી કરનારા એ વખતના હરિયાણાના મુખ્ય મંત્રી હુડ્ડાના નામ હોય એ સમજી શકાય એમ છે. આ બંને સામે હવે રીપોર્ટ આવ્યા બાદ સરકાર શું પગલાં ભરે તેના ઉપર સૈાની નજર રહેશે. જો કે આ હેવાલ સામે જ અદાલતમાં અપીલ થશે એટલે જે કોઇ કસુરવાર હશે, તેને સજા ક્યારે થશે એ તો કોઇ કહી શકે એમ નથી. પહેલાં તો પ્રશ્ન થાય કે આ જમીનનો સોદો શું છે ? રોબર્ટ વાડ્રાની કંપની સ્કાઇલાઇટ હોસ્પીટીલીટીએ ગુરૂગ્રામના શિકોહપુરમાં સાડા સાત કરોડમાં એક જમીન ખરીદી હતી. એ જમીનનો ઉપયોગ હેતુ બદ...
વધુ વાંચો

મોદીનું ટીટ ફોર ટેટ – પાકિસ્તાનને ચીટીંયો ભર્યો

છબી
મોદીનું ટીટ ફોર ટેટ – પાકિસ્તાનને ચીટીંયો ભર્યો સ્વાતંત્ર્ય પર્વે પ્રજાને સંબોધન કરતાં વડાપ્રધાન નરેન્દ્ર મોદીએ હિમંત દેખાડીને  પાકિસ્તાનને અરીસો દેખાડી દીધો હતો. એમ પણ ભારતના એકે વડાપ્રધાને પાકિસ્તાનના કબ્જા હેઠળના કાશ્મીરની જ મંત્રણા કરવાની રહે છે, એવું ખોંખારીને પાકિસ્તાનને સંભળાવી દીધું ન હતું, એ કડવી દવા પાવાનું કામ પણ મોદીએ કર્યું હતું, એ પછી બે જ દિવસમાં સ્વાતંત્ર્ય પર્વે પોતાના સંબોધનમાં બલુચિસ્તાન, ગિલિગટ અને બાલ્ટીસ્તાનનો ઉલ્લેખ કરીને પાકિસ્તાનને સણસણતો તમાચો દિલ્હીમાં બેઠા બેઠા ચોડી દીધો છે. 15મી ઓગષ્ટે મોદીજીએ પોતાના સંબોધનમાં બલુચિસ્તાનમાં ચાલતી લડતના સંકેત આપીને પાકિસ્તાનને શાનમાં સમજાવી દીધું છે. ખાસ કરીને કાશ્મીરનો મુદ્દો આંતરરાષ્ટ્રીય સ્તરે છેડીને પાકિસ્તાન કાશ્મીરમાં ભારત દ્વારા કરાતા કથીત અત્યાચાર અંગે ગેરપ્રચાર કરતું રહ્યું છે અને આંતરરાષ્ટ્રીય સ્તરે ભારતને શરમીંદુ કરવા પ્રયાસ કરતું રહ્યું છે. મોદીએ પાકિસ્તાનને તેની જ દવા પીવડાવી દીધી છે, એ સાથે જ પાકિસ્તાનમાં ખળભળાટ મચી ગયો છે. પાકિસ્તાન કેમ એટલું બધું ખળભળી ગયું ? બલુચિસ્તાન ક્ષેત્રફળની દ્રષ્ટિએ સ...
વધુ વાંચો

જયારે સિંગાપોરના તારનમે મોદી તથા તેમના મંત્રીઓને પાઠ ભણાવ્યા

છબી
છેલ્લા અઠવાડિયામાં કેટલાય સમાચારો ગાજતા રહ્યા છે, પણ એક સમાચાર ખાસ વાંચવામાં ન આવ્યા, તે સિંગોપોરના ઉપપ્રધાન મંત્રી તારનમ શન્મુગારત્નમ ભારતમાં આવીને વડાપ્રધાન નરેન્દ્ર મોદી તથા તેમના મંત્રીઓને ઘણા પાઠ શીખવાડી ગયા. બલ્કે મોદીજીએ તેમને પાઠ ભણાવવા માટે બોલાવ્યા હતા.દેશના વડાનું એ જ તો કામ છે, દેશને આગળ લઇ જવા માટે જે કરવું પડે એ માટે તૈયાર રહેવું. મોદીજી સિંગાપોરના વિકાસથી ખાસ્સા પ્રભાવિત છે. તેમના સ્થાપક પ્રમુખ  લી ક્વાન સિંગાપોર પાસે એક પણ કુદરતી ખનિજ સ્ત્રોત ન હોવા છતાં સાફસુથરૂં અને વિકાસની દુનિયામાં એવું ટોચે પહોંચાડી દીધું છે કે સિંગાપોર વિશ્વભર માટે એક રોલમોડેલ છે. મોદીજીએ કદાચ, તેથી જ તારનમને બોલાવ્યા હતા. ફકત પોતાના મંત્રીઓ નહીં, ખૂદ મોદીજી પણ તારનમના પોણો કલાકના ક્લાસમાં બેઠા હતા. શરૂઆતમાં પ્રધાનમંત્રી નરેન્દ્ર મોદીએ આવકાર પ્રવચન આપ્યું અને એ પછી તરત જ તારનમને માઇક સોંપીને પોતે પણ શ્રોતા તરીકે કેબીનેટ સાથે બેસી ગયા હતા.યસ્સ શીખવું હોય તો ગુરૂના ચરણમાં જ બેસવું પડે એટલી સૂઝ તો મોદીજીમાં છે જ. નીતિ આયોગના ટ્રાન્સર્ફોમિંગ ઇન્ડિયા નામના કાર્યક્રમમાં શરુઆત કરતાં જ ત...
વધુ વાંચો